قصيدة من الشعر الشعبي
كبرنه وشهكة البينه
تفزز ليل
ما ظل حيل
بس نجمه نرابيها وترابينا
جم مكتوب ودينا
وما مر لا حمد لا ريل
وصريج الباب ياذينه
ويذكرنا بمواويل العشك
غناها الوكت مجبور
من جان الكمر بالهور
يبجي من القهر والجور
يصارع كضة الفالة
ويداري جنحه المكسور
ضيع روحه بالمامش
كاعد ينتظر طارش
بلجي الريل هم يجعر
وبلجي صويحب يطره
بوسط كمره
ونسه روحه ..
نسه جروحه
وهدنَّه المواويل
بس أنتَ يبعد الروح
التظل بالروح
حفنة وفة ورشفة هيل
